جندي مجند .. الشاعر ياسر محمد

اخر قرائه من
اقل من
1 دقيقه
قراءت الموضوع

جندي مجند .. الشاعر ياسر محمد

أغسطس 14, 2017 - 18:01
التصنيف:

 .جندي مجند / ياسر محمد

نعم يا فندم انا موجود
زي النهاردة كانت بداية وكانت اول ركعة سجود
جوه المعسكر نادي المأذن افيقو يا جنود
جندي مجند / ياسر محمد
يلا علي الطابور
...... تلات سنين من عمر فات
اتسأل فيهم كام سؤال
ياريت تكون مبسوط
جندي مجند / ياسر محمد
اقف في مكانك مظبوط ..... كام حكاية وكام صورة بين العساكر والبيوت
وكام شهيد اتنبحت فيه الف حنجرة وصوت
جندي مجند / ياسر محمد
علي صوتك بالنشيد
ما احناش عبيد نخاف نموت
احنا رجال وقت الشدائد ممكن نموت
....... جندي مجند / ياسر محمد
عندك كام خدمة زيادة وشدة ليل
يا من ناديت الهوا وناجيت الليل
احببت ومن غير حب الوطن يشفي الغليل
....... جندي مجند / ياسر محمد
كفاياك كلام كتير
الصبر هنا عادة كما نهر النيل
شايل هموم زيادة وفي قلبه لسه الحنين
بيودع مراكب سيره وبيستقبل جنود كتير
....... جندي مجند : ياسرمحمد
عدت عليك سنة
فاكر كانت ازاي واتعلمت تكون سند
اتعلمت فيهم ايه غير الضحك والزعل
والشدة والتعب والراحة والزئير
يارب تكون بخير .......
جندي مجند / ياسر محمد
اثبت مكانك عملية طالعة وانت لسه شايل سلاحك
ـ انا جاهز يا فندم اطلع معاهم
قلت اثبت مكانك دورك هنا اصعب من حمل سلاحك
ـ بس يا فندم انا عايز اطلع معاهم
انت هنا وقت اللازوم
نحتاجك تكون وصلة صوت
لو مرجعناش أبقي خد عزانا ومتفتناش
واياك تخاف تموت
بكره ترجع ع الطابور
كلمتين عل دمعة سايلة
علي كام نشيد مسموع
وخبي الدموع قدام العساكر
خلي الوجع ساكن.
....... جندي مجند / ياسر محمد
سنة كمان عدت والشدة حمل جبال
واللي بقيلك يدوب سنة
بس فيك الحمل زاد
كسره في العيون علي شوية عناد
علي كلمتين يتقاله بس بسكات.
------ جندي مجند / ياسر محمد
عدت تلات سنين من عمرك
خلصت فيهم كام رواية وكام قصيدة
افتكرنا بكلمتين ما انت شاعر وليك ألف طريقه
واذكر اسم زميلك في القصيدة
ـ بس يا فندم الحكايه مش قصيدة ومش رواية
فاكرهم واحد واحد من البداية
انا يدوب بكتب اللي جوايا
شوية كلام بين السطور ميقدرش يوصف
خايف كلامي ما يوفيش حقوقكم ولا ليكو ينصف.
....... جندي مجند / ياسر محمد
\ هستني منك أخر قصيدة يا مجند
ـ حاضر يا فندم طلع ورقه وقلم وسجل .. ... علل يا وطن كيف الجروح فيك ما تطيب
كل شئ ليه اخر الا همومنا تزيد
زاد الوجع ضرب السمع حي علي الفلاح تكبير
الله اكبر لسة صوتك في الاغاني اناشيد
طوابير بتجري للصلاه
وطوابير للحدود حارسين
لسه باقي علي اللي فيكي لسه بقول أمين
يحرس كل من كبر بالصلاه علي النبي الامين
فادخلوها ان شاء الله أمنين .
تصنيف آخر: 
فيديو YouTube: 
0