"ما تكتبيش على قبري شاعر " قصيده لـ محمد يوسف حامد

اخر قرائه من
اقل من
1 دقيقه
قراءت الموضوع

"ما تكتبيش على قبري شاعر " قصيده لـ محمد يوسف حامد

ديسمبر 20, 2016 - 08:02
التصنيف:
0 تعليقات

الشاعر محمد يوسف حامد

                                          

لو مت يا بنتى الوحيدة
ما تزعليش
و ما تكتبيش على قبرى
شاعر
خلى المشاعر ع الورق
و أحتفظى بيهم
الشعر ف بلادى جريمه
والصدق ف بلادى جريمه
والقصايد كلها
صبحت عقيمه
مش بتحبل بالمعانى
يمكن تعانى م الفراق
وتحسى بالمر ف بعادى
ده كله عادى يا سميه
يا ضحكة الدنيا الردية
لسه المسافه ف قلبها
خطوة
وجسرين عذاب
أفتحى الباب لحياتك
وكملى مشوار بديته
بس أوعى تمثلينى
وترسمى حزن الغلابة 
بالحروف
وتكتبى فوق اسمى شاعر
بالمرار
وبالوطن
لما تغتاله الماسى
وكدبه سموها عدالة
لسه ف بلادى ندالة
وشهوة بتدوس ع الفقير
يا بنتى مات فينا الضمير
و نخوة الناس الأصيلة
بخيله يا بنتى دى الدنيا
ما تدى ف يوم 
واحد عاوز ولا محتاج
تمللى التاج فى ايد خاين
حتى جناين الفقرا
ولا بتطرح
أرضهم دايما بوار
عمرك مره شوفتى نهار
بياجى بفرحنة لينا
حتى رزقنا محدود
رغم شقانا ف الدنيا
وناس تانية بدون مجهود
تلاقى كرشهم واسع
دى حكمة ربنا فينا
نعيش مساكين
نعشق ضحكة الفقرا
و ما نمدش غير لله 
ايدينا
-----------------------

محمد يوسف حامد

 

0