لا تنس

اخر قرائه من
اقل من
1 دقيقه
قراءت الموضوع

لا تنس

ديسمبر 28, 2015 - 22:29
التصنيف:
0 تعليقات

المواطن

#لا_تنس

_إوعى الل قاله امبارح الإعلامي النائب الدكتور توفيق عكاشة عن الدولة البوليسية والعقلية الأمنية ينسيك أنه قال أهم :" أنا مهاجر ألمانيا ..وعندنا بيت هناك ..والنظام لو متغيرش ..أنا مش راجع " ..والحقيقة اللي قاله عن " العقلية الأمنية " حااااصل ..بس احنا معاك يا دكتور ..واطلع على ألمانيا ..وأنت عملت امبارح توكيل للسيدة والدتك عشان " تستقيل " ..سافر يا دكتوووور ..

_ وحالة " الشطح " اللي فيها عكاشة دي عشان أنه أعلى الأصوات في الانتخابات ..مع إن مرتضى منصور ..في كل مداخلة بيقول :" أنا الأول ..عكاشة مش الأول أنا عندي 8 مقاعد وعكاشة عند 6 ..و5 في 6 ب 30 يوم + 14 = يبقى أنا الأول " ..ولو مش مصدقني راجع كل مداخلات مرتضى منصور عن نتائج الانتخابات ..أقسم بالله بجد .

_ده مش مهم ..المهم إيه بأه ..إن لا توفيق الأول ولا مرتضى الأول ..أي والله ..ليه بأه ..الأول وحسب اللجنة العليا للانتخابات هو صلاح عفيفي واللي حصل 94% من جملة اصوات دايرته في اسوان ..والثاني هو علي علي محمد بدر بنسبة وصلت 90 % من جملة أصوات دايرته ..وتوفيق عكاشة رقم 18 بنسبة 75 % من عدد اصوات دايرته ..يعني عكاشة ..يسكت واخره " تجارة انتساااااااب " ..ومرتضى بره التصنيف اصلاً ..ده أكده لي زميلي محمود سعد الدين رئيس تحرير موقع برلماني منذ قليل ..أوعي التصنيف يعورك ..أوعى يعورك !!

_ ولسه في البرلمان .. النائب " العشبي " سعيد حساسين قال :" هاستقيل من المجلس لو ابله فاهيتا اتريقت عليا تاني " ..والحقيقة إن من رأيي تعمل توكيل في الشهر العقاري لأقرب الناس إليك زي ما علمت الدكتور عكاشة وتروح ألمانيا معااااه ..لا تتوقفي يا أبله فاهيتا ..لا تتوقفي يا غالية .

_ طب ده ينسيك اللي حصل في الأهلي .. أبداً ..اللي أقاموا الدعوى ..راحوا بيها على وزير الرياضة ..والأهلي استشكل وجري على وزير الرياضة ..والوضع على ما هو عليه ..بس إيه بأه ..الاستكشال هيتنظر عند نفس القاضي اللي طلع الحكم ..يعني " هيتحل هيتحل ..ويبقى محلولاً محلول " ..بس إيه كمان ..فيه ضغوط على اللي أقاموا الدعوى ..وده الأهلي ..ده الكبير ..ده " عبد البقال " هيشيل إيده من الرعاية وكده !.

_وبمناسبة الرعاية والجواز ..النهاردة أفراد الشرطة في قسم ثان كفر الشيخ ..لموا 1200 جنيه من بعض ..ودفعوهم لواحدة ست كانت هتتحبس ..والست دي كتبت وصل أمانة على نفسها عشان تجوز بنتها ..المهم شباب الشرطة دفعوا الفلوس ..والراجل اتنازل والست روحت .

_ الست دي روحت بيتها ..لكن فيه شاب برضه اسمه خالد في مدينة الحامول بكفر الشيخ مروحش بيتهم ..لأن شرطي قتله برصاصة في الرأس بسبب أولوية المرور ..وهقولك ..أيوه الشرطي في الراحة ..ودي خناقة عادية ..هقولك ..معاه سلاحه الميري لمواجهة اللصوص ..وليس لقتل " خلق الله " ..المهم إن الشرطي ده هيتحاكم ..ويدخل القفص .

_ وجبنا سيرة القفص ..يبقى نفتكر ناجي شحاتة ...والنهاردة اتوقفت محاكمة خلية أوسيم ..بسبب طلب الرد ..وده عشان الحوار اللي عمله ناجي شحاتة في الوطن وبان أن عنده " هوى سياسي " وكده..ونظر الرد هيكون يوم 2 يناير اللي جاي .
_ ولأننا حفظنا بعض ..وهتقولوا لي طب وتامر بلغ ..هاقولكم ..ناجي شحاتة في حواره مع الوطن قال إن تامر أمين بيروح ملهيين ليليين في الزمالك ..وده تشهير ..وتامر من حقه يبلغ ضد ناجي شحاتة لأنه شهر به ..بس تامر والله ..والله ما بلغ ! بس .

_وعشان كله ميبقاش ضرب ..ضرب ..َضرب ..قول ورايا :" آدى ابتسامتك يا حبيبي وأنت غايب ع الشموع ... وآدى الشموع اللى ابتسامتك نورت فوقها الدموع
..... آدى خطوتك .. آدى همستك .. آدي ضحكتك .. آدى انت كلك نورك وضلك ورقتك
..تعالى للأحلام للحب للالهام ..وقد ما يحلالنا نسهر وغيرنا ينام "#حبيبي أنت

0