طفوا أنوار الميادين ... محمود صبري

اخر قرائه من
اقل من
1 دقيقه
قراءت الموضوع

طفوا أنوار الميادين ... محمود صبري

أبريل 03, 2015 - 17:48
التصنيف:

طفوا أنوار المداين
أعلنوا فيها الحداد
بقى فيها الحزن باين
والسنين سودة وعجاف
دقوا أجراس الكنايس
بصوتها الحزين
أعلنوا فوق المآذن
الآذان ساكنه الأنين
انقلبت كل الحقايق
في يوم أو يومين
وما بقتشي شايف
غير الدمع ساكن كل عين
ده اللي كانوا هنا حبايب
فجأة بقوا ميتين 
هيفيد بإيه الدمع يا غايب
هيلم يوم جرح السنين 
هيفيد بإيه كتر الشكاوي
وابقى في كل عين مسكين
شكلي أنا عاشق غناوي
وحكايات سعد اليتيم
شكلي أنا صاحب قهاوي
أو بياع في العطارين
برسم الضحكة يوماتي
بس من جوا حزين
برسم الفرحة الحزينة
على وشوش بهتانين
ليه فيها طبيب بداوي 
وأنا شيخ العيانين