"المشهد" قصيده لـ أحمد مرزوق

اخر قرائه من
اقل من
1 دقيقه
قراءت الموضوع

"المشهد" قصيده لـ أحمد مرزوق

ديسمبر 17, 2016 - 20:27
التصنيف:
0 تعليقات

الشاعر أحمد مرزوق

 علبة سجاير ال ام احمر
مع كاس براندى فى ايد خمورجى عتيد
مشهدنا واضح شوفت فين تجاعيد
قواد و واقف للصلاة بالناس
محتار تقدم و لا ترجع صف
عقلك مفوت عقلى قبلك خف
انا سيبته داير عالعيال بالدور
و الدمعة شمعة بتكشف المستور
فتحت عينى قام طرفنى النور
و رمانى قلبى بألف ضربة شمس
كان فيه قصادى مية طريق و طريق
مية الف جانى بصورة تانية برئ
لو فوت يومها عالميدان يا صديق
كان على صوته لجل يهمس همس
مليون جبان من غير كمان و لا صوت
شديت حزام الغربة فى الملكوت
كتفلى قلبى خفت يومها يموت
فرضيت اعيش من غيره وحدانى
خرجت ضلوعى بقسوة من صدرى
ما بقتش املك غير بواقى امال
سرطان و طايل فرعى من جدرى
الكفة مايله و الميزان شغال
طب موتنا قرب و لا لسه بعيد
وقت اللقا لغبطنا فى المواعيد
انا قلت هابقى فى بعدى عنه سعيد
طب ليه همومى بنارها حبسانى
#أحمد_مرزوق

تصنيفات حرة: 
0