"الأسم إيه " قصيده لـ مصطفى حجازي

اخر قرائه من
اقل من
1 دقيقه
قراءت الموضوع

"الأسم إيه " قصيده لـ مصطفى حجازي

ديسمبر 24, 2016 - 11:14
التصنيف:
0 تعليقات

الشاعر مصطفى حجازي 1

 *الاسم أيه ؟
_ الاسم شاعر بالأسف ..
* شاعر بأيه ؟!
_ شاعر بان الليل طويل 
والقلب أوشّك ع الرحيل 
والسقف فوقُه معَبّى ويل 
والارض تحته بتتخَسف ..
* يعنى اسمك ايه ؟
_ الاسم شاعر ب انحسار 
أو مَدّ ماسك ف اللى صار
ف نهاره ضمن الاوليا 
وف ليلُه فاتح قلبه بار 
* والعُمر ايه ؟
_ عمرُه اللى فات رايح عليه 
أما اللى جىّ رهن القرار
العمر يوم بيعدّى جد 
ويوم يعدّى بدون هزار 
والحمد لله الذى ساتر عيوبنا ليل نهار 
* اسمك غريب 
عمرك غريب 
زى اللى شارب كاس مَرار 
_ الاسم دايماً مُستعار 
والحمد من شيّم الكِبار 
واللى مايعرف يجهلك ..
" شاعر لَكنّه ف يوم هَلَك "
شاعر وعايش ف الحصار 
مفروض بحُكم الانكسار 
والانتظار 
خلف السِتار 
طعمُه بمرارة ليل حَلَك ..
طعمُه بمرار العشق يوم 
تِلقى الحبيب يستسهلَك ..
وتكون قساوة قلبه " دوم "
واهو غصب عنّك أوحَلَك ..
ويسيب ايديك وسط الطريق 
لا يكون عماك ولا كحّلَك ..
شاعر بيهرب م الحروف 
والخوف بيصنع منه خوف 
تمثال وكل عيونه شوف 
لَكنّه عكس الشوف سَلَك ..
شاعر مالوهش جناح وريش
طاير ف دنيا من ال مفيش 
طاير وحلمُه ف يوم يعيش 
يوم مايلاقيش 

م الصعب جداً يسألك !

#مصطفى_حجازى

تصنيفات حرة: 
0