"دقات " قصيده لـ يس النحايفه

اخر قرائه من
اقل من
1 دقيقه
قراءت الموضوع

"دقات " قصيده لـ يس النحايفه

ديسمبر 29, 2016 - 23:47
التصنيف:
0 تعليقات

الشاعر يس النحايفه

( دقات )

دقِّت ساعة
أول لحظة تخش الدنيا
تِن تِن
استقبالَك في الغالب
مصبوب فِ قوالِب
بهجة
وزَبَد أفراح
متحدِّي الموجة ف بحر قلق
تتاتِن تِن تِن
تتقدِّم خطوة 
وترجع فيها
وتنوَّر شمعة
الزيف يطفيها
تركب مركب يومك
وتسيب ع الشط همومَك
ف تحِس انَّك وحداني
وتشوف ع الشط التاني
بُكرَه ف نَصل الخوف 
بيسِنّ
تِتِتِن تِتِتِن 
تكشِف صدر حقيقتَك 
بدري
وان العمر بحالُه
مش أكتر
من حضن حقيقي الروح رايحه لُه
وكلمة تفرَّح
وان الممكن بعد أوانه
مش ممكنّ
تِن تِن تِن ..! 

 

تصنيفات حرة: 
0