مالناش دعوة

اخر قرائه من
اقل من
1 دقيقه
قراءت الموضوع

مالناش دعوة

ديسمبر 30, 2016 - 20:20
التصنيف:

مالناش دعوة ياعم

ياخدوا القرض

يبيعوا اﻷرض

همه الجمع

 أنت الطرح

وأنت الفرد

بلاش تهتم

بلاش تتعكر

 لو دسوا السكر

هيجيلك سكر

من كتر الهم

مش هتلاقي علاج

وتموت موتة الحلاج

أوعاك تتصدر للحجاج

شفلك مزة

 ياسمين أو عزة

خليك ف المدح

بلاش الذم

مالناش دعوة ياعم

سيبك م اللي بيحكم

 لم عيالك والزم بيتكم

اقفل خشمك سكتم بكتم

 لم لسانك كدا واتلم

مالناش دعوة ياعم

عض لسانك بسنانك

عاكس مززك وحسانك

لما تنام اتغطى كويس

ميس هيس

بس أوعى تجيب سيرة الريس

وأنت يا مسكين

هتناطح مين

لم التعابين

ﻻحسن تتسم

مالناش دعوة ياعم

 

0