"إحنا المماليك" قصيده لـ حسني الاتلاتي

اخر قرائه من
اقل من
1 دقيقه
قراءت الموضوع

"إحنا المماليك" قصيده لـ حسني الاتلاتي

يناير 11, 2017 - 16:36
التصنيف:
0 تعليقات

الشاعر حسني الإتلاتي

احنا الصعاليك 

واحنا المماليك

 مع إن الاصل أصحاب الدار 

واحنا الكفار 

مع أننا والرب المعبود 

من آل البيت

 اللقمة ما لاقية لا فول ولا زيت

 احنا الشرفاء أصحاب الأرض

 فاحتين الأرض عشان جنيهين

 والعم كوهين 

شغال بيرابي في عفش البيت

طقيت مليت

مليت طقيت

 وبادافع عن حق الفقراء 

ألثغ في الراء مع إني فصيح

 يا ولاد الكلب احنا الاسياد 

ماتهزنا ريح

صامدين صامدين 

صابرين ع الصبر بناكل دين

وفي شرع الدين 

للصبر حدود

 الخير الغارز  مش يموت

 ها يعيش ها يسود
 
والناس السود هاتغور وتغور

 وها ييجي امشير

 نشتل فدادين أحلامنا البور 

بغنا واحلام
 
وها يدخل بكرة بيوت الناس الفقرا سلام

 ويحط حمام الخير ويحوم

 حوالين النيل اسراب النور

من بعد الليل  بيهل صباح

احنا المماليك 
حسني الإتلاتي

 

تصنيفات حرة: 
0