"بستحلفك" قصيده لـ مصطفى حجازي

اخر قرائه من
اقل من
1 دقيقه
قراءت الموضوع

"بستحلفك" قصيده لـ مصطفى حجازي

يناير 11, 2017 - 17:48
التصنيف:

1الشاعر مصطفي حجازي

  باستحلفِك ....
تدينى قلبى اللى إتولد 
ويايا طفل وكان برئ ..
القلب ده مش قلبى انا 
حتى الطريق..غير الطريق !
قلبى اللى كان جوايا شئ ..
فجأه اختلف ..معرفش ليه 
باستحلفِك ..لترجّعيه ..
قلبى اللى كان زىّ الصديق ..
والطُهر فيه اجمل دليل ..
كان زى نيل ..
والمَيه عذبه وسلسبيل ..
دلوقتى ليل 
دلوقتى بحر ومَيتُه ..ماتبل ريق ..
ماتجاوبى ليه ؟!
منتى اللى وحدك خليتيه 
محتار مابين ازاى وليه !!
يادنيا مين فينا السبب ؟
انتى بقساوتِك ولا انا ؟
باستحلفك ..لترجّعيه
لحظة ماكان عمره سنه ..
-----------------
#حجازيات
#مصطفي_حجازي 

تصنيفات حرة: 
0