"س سؤال" قصيده لـ عبد الرحمن مصطفى

اخر قرائه من
اقل من
1 دقيقه
قراءت الموضوع

"س سؤال" قصيده لـ عبد الرحمن مصطفى

مارس 28, 2017 - 00:33
التصنيف:
0 تعليقات

الشاعر عبد الرحمن مصطفى

أنا خامد كما بركان..
تهيج ناره ف أحضانها
وانا فيضان..
يغازل رمل شطئانها
وغنوة شوق على لسانها..
وبعشق صوتها ف المواويل!
"يا عيني يا ليل"

وبتسلطن
بغنوة حب تشجيني
أكون ليها كما "موطن"
ف كل هتافها تناديني
"عاشقه وعشقي سرمدي"

فيكي الجمال محمدي..
أو يوسفي
خليكي عادله وانصفي
واوعي ف تاريخي تحرفي
وان حد عاشقك قد عشقي .. اوصفيه!
هاتي عشقي استجوبيه!!

س/سؤال
هو انت ليه قلبك دا مال؟!
ولا انت ليه أصلا عاشقني؟!
قلبك يموت لو يوم فارقني..
دا حتى قلبي بيندهك:
هو انت ليه مني سارقني؟!!

ج/جواب..
القلب داب
والقلب يعشق كل قلب بيعشقه
ولما قلبك جه نده..
قلبي ف عجاله صدقه..
يبقى استحاله .. لو يوم افرط بيه!
العقل قالها ومنطقه

‏"لكل فعل .. رد فعل مساوي ليه"
 

0