الإحتياج .. هيام السيد

اخر قرائه من
اقل من
1 دقيقه
قراءت الموضوع

الإحتياج .. هيام السيد

يوليو 27, 2017 - 19:33
التصنيف:

 لاحتياج احساس حلو اوي اما تلاقي حد محتاجلك ، عايزك ، مش قادر يستغني عنك . ممكن تكون متخيل انه مش بيفكر فيك زي ما انت بتفكر فيه ، انه مش محتاجلك زي ما انت محتاجله ، انه مش عايزك زي ما انت عايزه ، و فجأه تجيلك منه رساله او مكالمه ، يكلمك فيها و يقولك ساعدني انا محتاجلك ، محتاج اسمع صوتك ، محتاجك تسمعني ، محتاج اشم رائحتك ، محتاج اني اشعر بالدفء بين يديك ، داويي جروحي و عالجيها فأنتي طبيبتي وانا المريض المحتاج .عارف ساعتها هتنسي اي حاجه للشخص ده و هتحاول تساعده و تحتويه عشان مش بالسهل ان حد يحتاجك و يعترف لك بأحتياجه و ضعفه ده . احساس حلو اما تبقي عارف انك مهم عند حد معين ، انك اول ما تبقي لوحدك و مفيش حد معاك ، هيكون هو معاك في قلبك بعيد عن كل الناس و مخفي عن كل الناس ، بس وقت احتياجك ليه هتلاقيه بيرد عليك و يقولك متخفش انا هنا ، انا جنبك ، انا عارفك ، انا الوحيد اللي فهمك. مين فينا مش بيحس بالاحساس ده ، مين فينا مش محتاج لحد ، بس لو بصيت حواليك هتلاقي ان في ناس كتيره اوي نفسها تعالج احساس الاحتياج ده ، نفسها تحس بالدفء و الحنان الداخلي ده . الاحتياج مش دايما احتياج رومانسي او احتياج عاشق لعشيقته ، هناك احتياج ام لاولادها ، احتياج اولاد لوالدهم ، احتياج لصديق عزيز و قريب لقلبك ، احتياج للحب، احتياج للحنان ، و احتياج للشعور بعدم الضياع .ف النهايه قله قليله جدا من الناس اللي قدرت تلاقي الشخص اللي بيحتاج لهم و هما بيجتاجوا له في نفس الوقت ، الشخص اللي تقدر تعطيه و تأخد منه بنفس القدر و بنفس الرضا علي النفس . الي كل مريض محتاج الي الطبيب الذي يستطيع معالجته ، اوعي تفقد الامل لانك طول ما انت بتحاول و بتدور صدقني هتلاقيه موجود و محتاجلك زي ما انت محتاجله .كلامي ده كلام طبيب الي كل مريض محتاج العلاج و الدواء اللي يقدر يشفيه من احساس الاحتياج اللي بيحسه .

 
تصنيف آخر: 
0